"Garagardoa ekoizten"-eko aurreko atal batetan hartzidura emateko bi teknologia desberdin bereizi ditzakegula esan zen (modu orokorrean eta Lambic garagardoak egiteko erabiltzen den hartzidura mota alde batera utzita): Ontzi irekietan eta ontzi zilindrokonikoetan.
Gaurkoan, bigarrenari buruz arituko gara.
Garagardogintza sektorean hartzidura emateko gehien zabaldua dagoen teknologia da ontzi zilindrikoena, eta honetaz gain, iada teknologi egokiena dela onartua dago unibertsalki. Nathanen diseinu baten garapen zuzena da ontzi zilindrokonikoaren diseinua.
Ontzi mota hauek normalean altzairu erdoilgaitza eta karbonoaz estalitako altzairuzkoak dira.
Hartzidura prozesuan beroa sortzen denez, zona desberdinez osaturiko hozketa sistema bat izaten dute:
 |
| Ontzi zilindrokonikoak |
- Zati konikoan:
Hozketa sistema bat derrigorrezkoa da tenperatura erregulatu ahal
izateko.
- Zati zilindrikoan:
Bat, bi, hiru edo zona gehiagoz osaturiko hozketa sistema.
Propilengikola
kontzetrazio jakin batetan izan ohi da erabiltzen den
errefrigerantea.
Teknologia mota honen
abantaila batzuk ontzi irekiekin alderatuz hurrengoak lirateke:
- Legamia
berrerabili ahal izateko bilketaren erraztea.
- Lan operazioen
flexibilitate eta bizkortasun handiagoa.
- Garagardo galera
gutxiago eta oxigeno disolbaketa txikiagoa.
- Garbiketa
errazten da eta CIP bidezko garbiketa ahalbidetzen du.
- Tenperaturaren
erregulazio eta automatizazio on bat egiteko aukera.
- etab.
Azken finean, teknologia
mota honekin lan kostuak gutxitu eta garagardoaren kalitatea
bermatzen da.
Bikaina artikulua.
ReplyDeleteGaragardogile txikiek edo artesanalek ez doguz halakoak horrenbeste erabiltzen, oso garestiak direzelako. Berez erosoak dira eta garagardoa garbiago ataraten laguntzen dabe. Halan da be garardaua upeletan bi aste eskaz pasa behar dabenean ez da horrenbeste nabaritzen bestelako upelengaitik.
Eskertzekoa garagardoaren inguruko euskerazko txokoa aurkitzea. Egunerokoan fabrikan lagungarria zaigu hiztegia hobetzeko.
Jon
Etxeandia Garardauak - URDULIZ
Epa Jon! Mila esker eta pozten naiz bloga lagungarri izatea :-) Asko eskertzen da edozein gairen inguruan egiterik duzun ekarpen oro! Ea egunen batean bizkaia aldetik pasatzen naizen... oraintxe ez nago han inguruan baina ea egun batzuk libre ditudanean bisitatxo bat egiteko aprobetxatzen dudan ;-) Ondo izan!!
ReplyDelete