2011-12-29

EDALONTZIAK: Txirula edo txanpain edalontzia

Txanpaina edateko erabili ohi den edalontzi mota oso egokia izan daiteke garagardo mota jakin batzuentzat. Bere gorputz estu eta luzexkari esker, karbonikoa denbora luzeagoan mantentzen da garagardoan, bizitasun itxura ere denbora luzeagoz mantenduz.

Txirula edalontzia

Belgikako lambic garagardoak eta fruitu zaporeko garagardoak bereziki egokiak dira edalontzi mota honetan edateko. Hauetaz gain, hurrengo garagardoak ere lasai asko edan ditzakegu edalontzi honetan: Bock, Munich, garagardo beltza etab.

2011-12-27

SAILKAPENA: KÖLSCH GARAGARDOA

Kölsch garagardo estiloa Alemaniako Kolonia hirian ekoizten eta edaten den Pale Ale garagardo bat da. Legalki, Kolonian eta inguruko garagardo fabriketan bakarrik ekoiztu daitekete Kölsch garagardoa, jatorrizko izendapena duen garagardo bakarrenetakoa izanik. Hiri honetan gehien edaten den garagardo mota da eta garagardo fabrika txiki asko aurki ditzakegu (milioi bat biztanleko hiri bat da).


Hartzidura mota: Azaleko hartzidura.

Jatorrizko dentsitatea:  11-11,6 ºP

Malta: Garagar malta eta gehienezko %20-ko garizko malta ere eduki ditzake.

Kolorea: 7-11 EBC , hori argia.

Alkohol edukia: % 4,9 -5,1 bitartean .

Lupulua: 16-35 IBU tarteko garratztasuna.


20 cl-tako edalontzi estuetan zerbitzatu ohi den garagardo oso argi bat da, egun beroetarako oso egokia dena. Edateko oso erreza, malta usainak nabarmendu daitezkeelarik.

2011-12-25

Facebook-eko galderaren emaitza

Hona hemen joan den astean "Garagardo Ahotsa"-ren Facebook-eko orrian egin zen galderaren emaitza. Galderak hurrengo hau zioen: Zer eskainiko zenioke Olentzerori edateko, zure etxean opariak uzten harrapatu ezkero?



Gehiengo batek (%75) garagardoa eskainiko ziola erantzun du, % 20-ak ardoa erantzun duelarik.

Pasa al da Olentzero zuen etxeetatik? Zerbait edateko eskaintzeko aukera izan al duzue?

Egun ona izan!

2011-12-21

BIDEOA: Estatu Batuetako garagardo ekoizle txikien iraultza

Nahiz eta ingelesez izan, ikasle batek Estatu Batuetatako garagardo ekoizle txikiek izan duten garapenaren nondik norakoak azaltzen dituen bideo bat helarazi nahi dizuet gaur:

ARGAZKI GAINEAN KLIKATU BIDEO IKUSTEKO

Zorte on biharko egunerako loteriarik erosi baduzue! ;-)

2011-12-20

DELIRIUM TREMENS

Gaur, zuetako askok ezagutuko duzuen Delirium Tremens garagardoari buruz pixkatxo bat gehiago ikasiko dugu. Garagardo hau Belgikako "Huyghe" garagardo fabrikan ekoizten da lehen aldiz 1989. urtean, hasiera batean gabonetako garagardo bat izateko ekoiztua. Aita Attout izan zen sortzailea. Izan zuen harrakastaren ondorioz, urtean zehar ere ekoiztea erabaki zuten. 



Garagardo honetan botila eta etiketa oso deigarriak dira. Botila gris kolorekoa da, opakua, eta etiketak aipamen berezi bat merezi du: Urdin kolorekoa da eta bertan irudi desberdinak ageri dira, garagardoa edatean edalean sortzen duen sentsazioekin erlazionatuta: Arrosa koloreko elefante bat, krokodilo bat, herensuge bat, eta... Hitchcock-en "Txoriak" pelikulari erreferentzia egiten dioten txoriak ageri dira etiketaren goiko eta beheko aldean.


Etiketa

Jatorria: Huyghe (Melle, Belgika)

Hartzidura mota: Azaleko hartzidura

Jatorrizko dentsitatea: 19 ºP  

Malta: Garagar malta erabiltzen da. Honetaz gain, azukre txuria ere erabiltzen da azukre iturri bezala.

Lupulua: 22 IBU inguruko garratztasuna.

Kolorea: Urre kolorea.

Alkohol edukia: % 8,5 bolumenean.

Garagardo hau ekoizteko hiru legami mota desberdin erabiltzen dira. Gorpuz ertaineko garagardo bat da, apar argi kremotsua duena. Malta usainak eta alkohola nabaritzen direlarik pikante pixka batekin batera. Fruitu ikutuko bukaera du, zapore gozo luze bat uzten duelarik ahoan.

2011-12-19

Facebook-eko galdera

Kaixo! Joan den ostiralean galdera bat egin zen Facebook-en dugun orrian eta zuen erantzunen zain gaude!

Hurrengo loturan klik eginez ikusi eta erantzun dezakezue galdera: KLICK EGIN

Nahi duenak, Twitter bidez ere kontaktuan jartzeko aukera du: TWITTER

Eskerrik asko!

2011-12-16

HISTORIA (XII): XII. Mendea (II. Zatia)

Garai honetan,  monasterioetan ematen zen artisau ekoizpen batetatik ekoizpen komertzialago batetarako joera eman zen, garagardo ekoizleek monjeak ordezkatzen hasiz.

1188. urtean Ingalaterrako Henrike II. erregeak garagardoari ezarri zitzaion lehenengo tasa jarri zuen "Salanidoen aurka borrokatzen zuten Gurutzatuak hornitzeko helburuarekin".

Urtebete beranduago garagardotegiak "harriz eraikiak eta paretak kareaz osaturik" egon behar zirela arautu zen. 


Aurreko atalean:

2011-12-14

GARAGARDOTEGI LANTEGIAK: Naparbier

Joan den asteko opor egunak aprobetxatuz, Nafarroa aldera joan nintzen eta Naparbier-eko Josu-rekin harremanetan jarri nintzen beraien Iruñako fabrika bisitatzeko. Nire anaia Eneko eta biok hurbildu ginen bertara eta Josu primeran portatu zen hasieratik bukaerara. 

2009. urteko Urrian sortu zuten Naparbier argazkiko lau lagun hauek, Alemaniako Alex Schmid-en kolaboraziorekin batera.

Naparbier taldea hartzidura-heltze tanque zilindrokonikoen aurrean
Ekoizten dituzten garagardoak 1516.urteko Alemaniar Purutasun Legea jarraituz egiten dituzte: Ura, malta, lupulua eta legamia bakarrik erabiliz. 

Garagardo naturalak dira,  ez dute ez iragazpen ezta pasteurizaziorik jasan, eta ez zaie ezta inolako gehigarri edo antioxidatzailerik gehitu. Horregatik da hain garrantzitsua produktu hauek tenperatura egokian gordetzea.

750 l/egosketa bakoitzeko ekoizteko gaitasuna duen makinariarekin hasi ziren, baina iada beste ekoizpen toki batekin lanean hasteko asmoa dute (2500 litro/egosketako ahalmena edukiko duena).


Ekoizpen prozesuak hurrengo pausuak jarraitzen ditu hitz gutxitan:

Muztioa egun batean egiten dute, malta ehotu, urarekin nahastu eta beratu ondoren  iragaziz. Iragazpena bukatu ondoren  muztioa egosi (lupulua gehituz) eta Whirlpool-ean koagulatutako proteinak eta lupulu hondarrak banantzen dira, muztio gardenagoa lortuz. Hau hoztu egiten da hartzidura (tanke zilindrokoni koetan) egingo duen legamia gehitu ondoren. Hartzidura eta heltze prozesuak hilabete irauten du. Ondoren, depositu horizontal batzutan biltzen da garagardoa. 


Produktuak:

Pils: % 4,7 alkohola duen oineko hartziduraz ekoizturiko garagardoa. 30 IBU-ko garratztasuna duena.

Dunkel: % 5,5 alkohola duen Munich estiloko garagardoa, oineko hartziduraz ekoiztua. 25 IBU-ko garratztasuna. 

Eta laister AMBER ALE eta IPA estiloko garagardoak (azaleko hartziduraz ekoiztuak) ere eskainiko dituzte, anaia eta biok heltze prozesua amaitzeko parae bat aste falta zitzaion Amber Ale garagardoa dastatu genuen eta oso interesgarria den garagardo bat izango dela dirudi! Dastatu beharrekoa derrigorrez, besteak baita noski oraindik dastatu ez badituzue.

Eskerrik asko berriz Josu eta Naparbier kideoi zuen harretagatik!

2011-12-13

SUNRISE BELONGS TO MODERATE DRINKERS

Blog honetan euskaraz idazten ez den lehenengo izenburua da hau. Heineken-en kanpaina berriaren izena da eta duela hiru egun jarri zuen ondoren ikusi dezakezuen bideoa (18 urtez gorakoentzat bakarrik) Youtube plataforman .

Izenburua irakurrita jakin daiteke zein den kanpaina honekin helarazi nahi duten mezua: "Edari arduratsua izateak, saria dakar". 

Gutxitan ikusi ahal izan dugu orain arte alkoholdun edarien enpresa batek  kontsumo arduratsu baten aldeko eginiko horrelako iragarkirik. 

Zihurraski, batek baino gehiagok pentsatuko duela norberaren alkohol kontsumoaren inguruan bideo hau ikusi ondoren, eta alde honetatik, positiboki bezala hartu genezake kanpaina hau.



Baina, benetan kontsumo arduratsu bat bada zure kanpainaren helburua, derrigorrezkoa al da zure garagardo markaren botila agertzea? Eta agian ez al litzateke efektiboagoa izango, gehiegizko alkohol kontsumoak dakartzan ondorio negatiboak zein diren azpimarratzea, "kontsumo arduratsu batek ekar dezakeen saria" baino? 

Mota honetako iragarki bat egiteak (Garagardo enpresa batek kontsumo arduratsu baten kanpaina egitea) ere zihurtatua du sare-sozial eta hedabide desberdinetan agertzea, blog honen kasuan bezala.

Baina beno, nire helburua zuekin bideoa elkarbanatzea zen eta zuen inpresioak jakitea... baina idazten hasi eta begira, iada luzatu naiz. Bideoa hortaz, ausarta  da, gai garrantzitsu honen inguruan zer pentsatu eman dezakeena, BAINA, oso argi dago beste modu batetara egin zitekeela.

2011-12-12

TABERNAK: Very taberna (Gares, Nafarroa)

Garesen, Iruña eta Lizarra artean kokatua dagoen herrian aurkitzen da "VERY" taberna. 1990. urtean ireki zituen ateak eta ordutik garestar naiz inguruko herrietako gazte asko erakarri ditu kafe bat hartzeko, bertan afaltzeko, edo larunbat gaua ahalik eta hoberen pasatzeko.

  
Kokalekua: Cerco Viejo 6 Kalea (Gares, Nafarroa)


Ordutegia: 09:00- 00:00 (Sukaldea 13:00-16:00 eta 19:30- 23:00 bitartean dago irekia)

Dekorazio modernoa duen taberna bat da, garagardo marka eta musikari desberdinen irudi eta apaingarriz hornituta. Baina hau ez da blog honetan taberna honi buruz hitz egitearen arrazoia, ezta duen janari eskaintza merke eta paregabea, ohiko tabernetan aurki dezakeguna baino garagardo eskaintza zabalagoa duelako ageri da hemen.  


Ikus dezagun beraz zein garagardo aurki ditzakegun taberna honetan.

Kañeroan:

- Heineken (Pilsner estilokoa)
- Amstel Oro

Botilan: 
- Paulaner Hefe-Weizen (Garizko garagardoa)     - Kwak
- Pilsner Urquell (Pilsen estilokoa)                     - Rochefort 8 (Trapista)
- Judas                                                                 - Legado de Yuste
- Budweiser Txekiarra                                        - Clausthalle (Alkoholik gabekoa)
- Desperados                                                       - Duff
- Voll-Damm                                                        - Affligem (Abadiako garagardoa)
- Murphy's Irish Red (Ale gorria)            - Chimay "horia" eta "gorria"   (Trapista)
- Delirium Tremens                                             - Paulaner Salvator
- Modelo Negra                                                   - Heineken
- St. Bernardus Prior 8                                       - Damm Lemon
- San Miguel  (Pilsen)                                          - Shandy

- Alhambra (Pilsen)                                             - Buckler 0,0


Janaria: 

Prezio/kalitate oso ona duen eskaintza du Very tabernak:

- Aperitiboak
- Entsaladak
- "Huevos rotos" (Urdaiazpikoa, odolkia, onttoak... aukeran)
- Hanburgesak
- Ogitartekoak
- Plater konbinatuak
- Etab.

Mila esker José argazkiengatik, eta baita zuri Carlos, emandako informazioagatik!




Beste taberna batzuk:
Bruselas, Belgikan - DELIRIUM CAFÉ
Iruña,Nafarroan - MANNEKEN BEER
Madrilen - THE WALL
Beasainen, Gipuzkoan - XUBER PUB

2011-12-07

GARAGARDOA BESTE HIZKUNTZETAN: Beer, Bere, Birra, Pivo, Cerveja...

Seguruaski zuetako askok bidaiatuko duzue atzerrira  hemendik gutxira, agian gabonetako oporrak aprobetxatuz eta guzti, horregatik, baliteke lagungarri suertatzea herrialde desberdinetan nola esaten duten garagardoa jakitea. Hona hemen zerrendatxo bat:  

Abejow = Persiera
Alu = Letoniera
Alus = Lituaniera
Beer = Ingelesez
Beier = Luxemburgera
Beoir = Eskoziako gaelikoa
Bere = Errumaniera
Bia = Hawaianoa,  Thai
Biar = Hindia
Bier = Flamenkoa, Nederlandera, Alemaniera
Biere = Frantsesa
Biero = Esperantoa
Biiro = Japoniera (Biiru bezala ahoskatzen omen da)
Bir = Indonesia, Malayan
Bira = Bulgariera, Arabiera; Grekoa, Turkiera
Birra = Italiera
Birre = Albaniera
Biyar = Nepalera
Bjor = Islandiera
Cerveja = Portugesa
Cervesa = Katalunia, Filipinera
Cerveza= Gaztelera
Cervisia = Latina
Chang = Nepalera, Tibetera
Garejure = Armeniera
Immiaarag = Greenlandic
Labiera = Madagasgarera
Maekju = Koreera
Oke = Afrikaans
Olu = Estoniera
Olut = Finlandiera
Pia = Samoan
Pijiu = Mandarin
Pivo = Kroaziera, Txekiera, Errusiera, Serbiera, Eslobeniera, Eslobakiera, Ukraniera
Piwo = Poloniera
Pombe = Swahiliera
Sor = Hungariera
Öl = Suediera, Norbegiera, Daniera (Ö desberdin batekin)


Ba al dakizue nola esaten den garagardoa beste hizkuntza batean?

2011-12-05

GARAGARDOA DESKRIBATZEN: USAINA (I)

Usaina gure usain organua erabiltzean sortzen den sentsazioa da eta gizakiok milaka usain desberdin nabaritu ditzakegu. Genetikoki  dago erabakia usain askorentzat %3 ko probabilitatea dugula "itsuak" izateko, hau da, baliteke gutako norbaitek usain batzuk ez usaindu ahal izatea, beste batzuek inolako arazorik gabe usaintzen dituzten bitartean.

Usainak gogoratzeko dugun modua beste gauza batzuk gogoratzeko dugun moduaren oso desberdina da.


Garagardoa usaintzerako garaian, mota desberdinetako usainak aurki ditzakegu: Batzuk arnaste ez oso sakon eta labur bat eginez usaintzeko aukera izango dugu (usain iheskorrenak), eta beste batzuk ordea, arnasketa sakon eta luze bat eginez usainduko ditugu (usain ez hain iheskorrak).

Garagardoen usain mota desberdin hauek bereizteko gaitasuna garagardoaren tenperaturarekin oso erlazionatuta daude. Lehenak tenperatura hotzegoetan nabaritzen direlarik, eta bigarrenak tenperatura altuagoetan. 

Fruitu, lore, malta, lupulu, alkohol etab. luze bat bezalako usainak aurki ditzakegu garagardoen munduan, baino honi buruz beste egun batean hitz egingo dugu sakonago; Garagardoaren zentzumen gurpila aurkezten dugunean.

2011-12-03

GARAGARDOA EKOIZTEN: Hartzidura

Garagardoaren ekoizpen prozesuan, behin muztioa hoztu dugunean, hartzidura izeneko prozesua hasten da.

Hartzidura, muztioan dauden azukre molekulak alkohol eta CO2-an bihurtzen dituen prozesu anaerobikoari esaten zaio. Legamia da hartzidura alkoholiko hau burutzen duen mikroorganismoa, beroa ere sortuz prozesu honetan.


Prozesu honetan, muztioaren azukre molekulez gain, muztioko sustantzia gehiagok hartzen dute parte, legamiak metabolizatu eta berriz garagardora beste konposatu mota batzu bezala kanporatuz (esterrak, aldeidoak, zetonak...), garagardoaren nortasunean zuzeneko eragina izanik.

Bi hartzidura mota nagusi bereizi ditzakegu: Azaleko hartzidura eta oineko hartzidura.

Lehenengoak 4 bat egun irauten ditu (betiere jatorrizko dentsitatearen arabera) eta tenperatura altuagoetan (15-25 ºC) bitartean ematen da (Saccharomyces cerevisiae legamia erabiltzen da).

Bigarrengoak 7 egun irauten ditu (5-15 ºC bitartean ematen delarik). Saccharomyces carlsbergensis. 

Makinaria desberdina erabiltzeko aukera dago, depositu irekiak edo zilindrokonikoak, baino beste egun batean sakonduko dugu gehiago honetan.

2011-12-02

Belgikako garagardoen dastaketaren balorazioa

Arratsaldeon! Asteazken honetan Belgikako garagardoen dastaketa bat eduki nuen Madrilgo "Plaza de España" ondoan dagoen taberna Irlandar batetan. Hamar bat pertsona inguratu ziren eta garagardo oso interesgarriak dastatu genituen:

   - Chimay "Urdina" eta Rochefort 6 garagardo trapistak.
   - Maredsous Brune Abadiako garagardoa.
   - Delirium Tremens.
   - Gordon Finest Gold.
   - Charles Quint.

Chimay "Urdina" %9 alkohol bolumenean duen garagardo gorri ilun-marroixka da, hasiera batean gabonetako garagardo bat izateko ekoiztua.

Rochefort 6  %7,5 alkohol bolumenean duen garagardo gorri-marroixka bat da, fruitu eta karamelu zaporeak eta alkohol eta pikante usainak nabarmentzen direlarik.


Maredsous Brune Abadiako garagardo bat da, kaoba-marroi kolorea eta % 8 alkohol bolumenean duena. Fruitu usainak nabarmentzen dira, baita maltarenak zertxobait. Garratztasun eta karamelu ukitu bat ere badu.





Delirium Tremens %8,5 alkohol duen garagardo horixka da. Alkohol eta malta usaina sudurrean, eta baita pikante pixka bat. Fruitu zaporeko bukaera luze eta gozoa.



 Gordon Finest Gold %10 alkohol duen urre koloreko Lager-a (oineko hartzidura). Alkoholak protagonismo handia du garagardo honetan. Karamelu usaina nabari daiteke alkohol usainaren tartean, malta gozoaren zaporea duelarik.

Charles Quint %8,5 alkohola duen garagardo gorrixka bat da, naranja eta espezia usainak dituena. Bukaera lupulatu eta gozoa du.



Dastaketak bi ordu eta erdi iraun zituen eta garagardo Trapisten eta Abadiako garagardoen berezitasunak zein diren azaldu ziren (Lehengaiak, historia...). Horretaz gain, dastatu zen garagardo bakoitzaren historiari buruz zertxobait azaldu nuen, garagardo bakoitza ekoizten den fabrika bakoitzari buruzko informazioa ere ikusiz.

Garagardoa dastatzerako orduan, jarraitu beharreko pausuak eta aztertu beharreko ezaugarriak zeintzu ziren ere ikasi zuten dastaketan parte hartu zutenek.

Nahiz eta garagardo botila bakoitza 3-4 pertsonen artean edan, bukaeran garagardo hauen alkohol kopuru handiak eragina izan zuten parte hartzaileen artean.

2011-11-30

EDALONTZIAK (VII): "Beer Stein" edalontzia

"Beer Stein" edalontziak "Stein" alemaniar hitzean du jatorria, garai batean erabiltzen ziren zeramikazko edalontziengatik.

Gaur egun, edalontzi mota hau material desberdinez ekoiztua izan daiteke: estainuz, zilarrez, egurrez, portzelanaz, lokatzez edota kristalez.

Beer Stein edalontzia

Normalean goiko aldean (argazkian ikus daitekeen bezala) tapa antzeko bat izaten du. Tapa hau XIV. mendean eman zen izurri beltza zela eta jarri zen, kutsatutako zomorroak garagardora sartzea ekiditeko. 




Ikusi ditugun beste edalontzi batzuk:
Snifter edalontzia
Willybecher edalontzia
Nonick Imperial pint edalontzia
Tulipa edalontzia
Pilsner edalontzia 
Garizko garagardo edalontzia

2011-11-29

GARAGARDOAREKIN SUKALDEAN: Pepino zopa hotza garagardoaz, Finlandiar erara

Gaurkoan zopa hotz baten errezeta batekin natorkizue. Prestatzeko oso erraza da, eta ez da denbora asko behar.

Zailtasuna: Oso erreza (eta azkar prestatzen dena)
Fraîche krema, President Marka

Osagaiak (2 pertsonentzat): 
         -  Garagardo botila bat 33cl.
         -  Creme fraîche (President Markarena adibidez),  garagardoaren proportzio berean.
         - Zuritutako 2 pepino
         - Gatza (goilarakada txiki bat)  
         - Piperbeltza (ehotu berria den goilarakada txiki baten laurdena)


Prestaketa:

Gutxinaka garagardoa kremara bota ondo nahastuz. Pepinoa kubo txikitan moztuko dugu eta gatza eta piperbeltzarekin batera krema eta garagardoaren nahasketara gehitu. 

Dena ongi nahastu eta pixkanaka frogatu gatza eta piperbeltz gehiago bota behar den jakitek. 

Zopa hau oso hotza zerbitzatzen da, eta kontutan hartu garagardoa dela eta, alkohola edukiko duela. 



Aurreko errezetak:
Dip frantsez ogitartekoa
Garagardo bizkotxoa
Ganba albardatuak
Oilaskoa garagardoarekin
Krepak
Legatz solomoa garagardoarekin
Txahalki albondigak Franziskaner...
Perretxikoak

2011-11-25

Garagardo alemaniarren dastaketaren hurrengo eguna

Kaixo guztioi... atzo arratsaldean garagardo alemaniarren dastaketa bat izan nuen Madrilen dagoen garagardo espezializatuen denda batean, "Cervezorama Delicatessen Beer Shop", eta bertan bizitakoa zuekin partekatu nahi dut gaurkoan.

20.00-etan hasi ginen, eta dastaketa honetarako, 5 garagardo desberdin aukeratu nituen:

                    - Koloniako "Sunner Kölsch" garagardoa
                    - Munich inguruko "Weihenstephaner Weissbier" (garizkoa)
                    - "Andechs Bock" (Bock estiloa)
                    - "Anderlecht Rauchbier" (garagardo ketua)
                    - Calvin's Negra (garagardo beltza)

Sünner Kölsch garagardoa

Alemanian garagardoak duen garrantzia zein den azaldu nuen hasieran, ondoren eskualde desberdinetan dauden garagardo mota desberdinak zein diren ikusi eta dastatu genituen garagardoei buruz informazio zehatzagoa eman nien dastaketara gerturatu zirenei.

Gargardoa dastatzerako orduan zein pausu jarraitu behar diren eta kontutan hartu behar diren gauzak ere azaldu ziren.

Bi ordu eta erdi iraun zituen dastaketak, eta bertan parte hartu zuten 10 pertsonek oso jarrera ona eta parte hartzailea izan zuten.

Hurrengo astelehenean beste garagardo alemaniarren dastaketa bat daukat toki berean, eta asteazkenean belgikako garagardoena Madrilgo "Plaza España-ko" taberna batetan... Emango dizuet baita belgikako dastaketaren berri hurrengo astean.

Beno, ostirala da iada eta asteburu oso ona opa dizuet!!

2011-11-24

TABERNAK: Delirium Café (Bruselas, Belgika)

Delirium Café, garagardozale guztiek ametstutako tokia, leku berean hain garagardo aukera desberdina eskaintzen duen beste tabernarik ez dago. Garagardoa gustoko baduzu eta erabakiak hartzea zaila suertatzen bazaizu, hobe bertara ez inguratzea. 

Tabernako sarrera
Bruselas-en erdi erdian kokatua dago, "Grand Palace" izeneko plazatik 100 metrotara. 

Helbidea: Impasse de la Fidélité 4A


Garagardo marka desberdinen iragarkiz betea dago eta egurrezko kupelak ere ikusi daitezke. Orain dela bi urte egon nintzen han eta harrigarria dela esan behar da.

3 pisu ditu, eta pisu bakoitzean grifoko garagardo   desberdinak dastatzeko aukera dago. Botila eta   grifoko 2000 garagardo aukeran guztira!

2004. urtean  (Urte honetako Urtarrilak 9an zenbatu   zituzten garagardoak) Munduko Guinnes Errekorra  irabazi zuen, garagardo desberdin gehien  dituen leku bezala.

Tabernako beste irudi bat



Goiko pisuan garagardoez gozatzen


Whisky, Vodka, Tekila, Ginebra etab. bezalako edariak ere edateko aukera dago. Ginebraren kasuan adibidez, fruitu eta txokolate zaporekoak dituzte.




Beste taberna batzuk:
Zumarraga, Gipuzkoan- HUTS TABERNA
Iruña,Nafarroan - MANNEKEN BEER
Madrilen - THE WALL
Beasainen, Gipuzkoan - XUBER PUB

2011-11-23

SAILKAPENA: INGALATERRAKO PALE-ALE GARAGARDOAK

Ingalaterran iraultza industriala iritsi zen arte ekoizten ziren garagardo guztiak  ilunak izan ohi ziren. Ordutik aurrera argiagoak ziren PALE ALE izeneko garagardoak ekoziten hasi ziren, anbar kolorekoak zehatzago esanda.


Burton Upon Trent inguruan, ipar Ingalaterran eta Ingalaterra erdialdean oso hedatua dago garagardo mota hau. Botilan zerbitzatu ohi da, eta ez kupeletan.

London Pride Pale Ale garagardoa
Hartzidura mota: Azaleko hartzidura.

Jatorrizko dentsitatea:  11 ºP

Malta: Garagar malta argi eta txigortua erabiltzen dira.

Kolorea: 15-30 EBC , kobre-anbar kolorea.

Alkohol edukia: % 4-5 bitartean .

Lupulua: 20-25 IBU tarteko garratztasuna bilatzen da lupulu gehiketarekin.


Garagardo hau ekoizteko Karbonato kaltziko asko duen ura erabiltzen da, garagardoaren lehortasun sentsazioa handitzen duena. Zapore metaliko pixka bat nabari dezakegu garagardo honetan, malta argi eta txigortuen usain eta zaporeak ere garagardo honen bereizgarri izanik.

2011-11-21

BITXIKERIAK: Antartikako ura erabiliz ekoizturiko garagardoa

Australian dagoen Nail Brewing garagardo enpresak Antartikako ura erabiliz ekoiztutako 30 botila jarri zituen salmentan, "Nail Ale Antartic" izenarekin.


Nail Ale Antartic garagardoa


 Garagardo enpresa honen sortzailearen anaia "Sea Shepard" erakundearen kide bat da. Erakunde honek ozeanoetako animalien (izurdeak, baleak...) defentsan ekintza desberdinak egiten ditu, eta erakunde honi laguntza ekonomikoa eskaintzeko asmotan ekoiztu zituen Neil Brewing enpresak 30 garagardo botila hauek.

Botila hauen salmenta enkante baten bitartez egin zen, saldu zen lehenengo botilagatik 800 dolar ordaindu zirelarik.

2011-11-18

ACHEL TRAPPIST "Blond"

Orain dela aste batzuk nere lagun garagardozale amorratua den Fonte Madrilera etorri zen bisitan eta  berekin batera garagardo desberdin ugari ekarri zizkidan. Gaur edan dudan garagardoari buruz hitz egingo dizuet oraingoan, Achel Trappist "Blond" garagardoari buruz:

Garagardo hau belgikako garagardo trapista bat da. Etiketako  "Authentic Trappist Product" logoak benetako garagardo trapista bezala identifikatzen du. 80 urtez garagardoa ekoiztu gabe egon ondoren, 1998. urtean hasi ziren berriz Abadia honetako monjeak garagardoa ekoizten. 

Achel Trappist Blond garagardoa.

  
Jatorria: San Benediktoko Abadia (Achel, Belgika)

Hartzidura mota: Azaleko hartzidura

Jatorrizko dentsitatea: 18,2 ºP  

Malta: Garagar malta erabiltzen da. Honetaz gain, azukre txuria ere erabiltzen da.

Lupulua: 30 IBU inguruko garratztasuna.

Kolorea: Hori-urre kolorea.

Alkohol edukia: % 8 bolumenean.

Westmalle-ko legamia erabiltzen da hartzidurarako eta botilan ematen den hartzidura dela eta, garagardoaren arretasuna oso nabaria da.

Platano usainak nabari daitezke, eta baita metal usain pixka bat ere. Garagardoa edatean, alkohol eta fruitu zaporeak dira nagusi. Gorputz ertaina duela esan daiteke, eta karboniko eduki nahiko handia du.

ESKERRIK ASKO FONTE! ;-)



º Plato: 100 gr-ko zenbat gr. extraktu dituen adierazten du.

Jatorrizko dentsitatea:
Hartzidura hasieran muztioak duen dentsitatea adierazten du.

2011-11-17

HISTORIA (XII): XII. Mendea (I. Zatia)

XII.mendean hasi zen hedatzen lupuluaren erabilera garagardoaren ekoizpenean. Ordurarte, "Gruyt" izeneko nahasketa bat erabili ohi zen, belar utsaintsu desberdinez osatua. Hauen artean txortaloa (Mentha pulegium), asentsio-belarra (Artemisia absintium) eta erromeroa (Rosmarinus officinalis) daude.

Lupulu konoak

1160. urtean hurrengo esaldia idatzi zuen Santa Hildegarda Abadesak bere Phisica-n:

"Lupuluaren garratztasunak edarien hartzidura harriskutsu batzu ekiditen ditu,  eta edariak denbora luzeago irautea ahalbidetzen du"


Aurreko atalean:

2011-11-16

BERRIAK: VII. Garagardo festa (Jarauta kalea, IRUÑA)

Iruñako peña desberdinek antolatuta, larunbat honetan (Azaroak 19) VII. garagardo festa egingo da. Ekitaldi honen antolatzaileak honakoak dira: Peña Aldapa, Peña Alegria de Iruña, Peña Los de Bronce, Iruña Taldea Euskal Dantzari Elkartea, Peña La Jarana, Peña Oberena y Peña La Única.

Ordua: 19:30 - 02:00

Non: Jarauta kalea (IRUÑA)


Peña bakoitzean eskainiko diren garagardoak:
      
 Aldapa:                               Alegría de Iruña:             Los de Bronce: 
  • Affligem Dubbel            - Affligem Tripel                               - Grimbergen triple
  • Murphy's                             - Duff                                         -  Hoegaarden Witbier
  • Löwerbräu                      - Lucifer                                        - Naparbier Dunkel 

Iruña Taldea Euskal Dantzari Elkartea:                    La Jarana:
  • Naparbier Rubia                                                                          - Cubanero      
  • Moretti                                                                                          - Franziskaner                    
  • Paulaner Salvator                                                                       - Judas    

Peña Oberena:                                                     La Única:
  • Ak Damm                                                                      - Leffe Bruin
  • Guinness                                                                       - Paulaner Munchen
  • Weiss Damm                                                                 - St. Bernardus Tripel

Prezioa: 7 garagardoen bonoak       12 €
              Garagardoa bonorik gabe  2,5€
   

Jatekoa:
  
Bazkaria Los de Bronce, menua oraindik konfirmatzekotan dago (Prezioa: 20 euro) 

Saltxitxa ogitartekoak: 21.30-tik aurrera hurrengo peñetan:
                                         Aldapa, Alegria de Iruña, Bronce, Jarana y Oberena

Hau guztia gutxi balitz, Brigada Improductiva taldearen kontzertua antolatu da  20:00 etan EL BRONCE peñan.

2011-11-15

GARAGARDOA DESKRIBATZEN: GORPUTZA

Garagardo baten gorputza, hau ahoan sartzean sortzen digun "loditasun" sentsazioa da, hau da, zein "arin" edo "dentsoa" nabaritzen dugun garagardoa. 

Gorputza sailkatzeko 3 hitz erabili ohi dira: Arina, ertaina eta betea.


Esnea hartuko dugu adibide bezala. Esne gaingabetua ahoan sartu eta bertan denboratxo bat mantendu. Zein "dentsitate" sentsazio dakarkizuen pentsatu. Ondoren gauza bera egin esne erdigaingabetu eta esne osoarekin. 
 
Kasu honetan, esne erdigaingabetuak gorputz arina, esne erdigaingabetuak gorputz ertaina eta esne osoak gorputz betea edukiko lituzkete.   

Garagardo mota bakoitzak gorputz jakin bat izango du. Gorputzean eragina duten sustantziak hurrengoak dira: Proteinak, azukrea, aparra, CO2-a, betaglukanoak eta alkohola.

2011-11-14

GARAGARDOA OTORDUETAN: Itsaskiak eta garagardoa

Egunon guztioi! Gaur Itsaskiei eta garagardoei buruz hitz egingo dugu.

Itsaskiak zapore indartsu eta usain sarkorreko elikagaiak dira, aldi berean ere nahiko  delikatuak direnak. Gainera, ahoan nahiko zapore iraunkorrak uzten dituzte.


Garagardo argiak oso aukera ona dira mota honetako elikagaiekin batera kontsumitzeko, zapore eta usain hauek guztiz errespetatzen baitituzte.

Itsaskia espezia askodun saltsa batekin prestatu ezkero, gorputz gehiago eta alkohol kopuru handiagoko garagardoak aukeratuko ditugu, garratztasuna handiegia izan gabe.

Itsaskiak jateko orduan, garagardoa edaten al duzue? Horrela bada, zein garagardo mota?

Astelehen ona opa dizuet!


Aurreko ataletan:

Arraultzak eta garagardoa
Behi eta idi haragia eta garagardoa
Entsaladak eta garagardoa
Janari japoniarra eta garagardoa

Arraina eta garagardoa

Txerri haragia eta garagardoa

Arkumea eta garagardoa

Garagardoa eta haragia

2011-11-11

LUPULU MOTAK: HERSBRUCKER lupulua

Aste honetan garagardo errezeta bat diseinatzen aritu naiz eta errezeta honetan erabiliko den lupulua zuei aurkeztea erabaki dut, Hersbrucker lupulua hain zuzen ere.
 
Lupulu honen ekoizpena asko igo da azken urte hauetan, egun 5900 Ha-ko azarela erabiltzen delarik barietate honekin lan egiteko. 
 
Honen usaina ona eta oso ona bezala katalogatua dago. 
 
Hersbrücker lupulu hostoa eta konoa.
Jatorria: Alemanian, Hersbruck eskualdea.

Mota: Usaina emateko erabili ohi da gehienbat.
 
Erabilera/kalitatea: Hurrengo garagardo motetan erabili ohi da lupulu barietate hau: Weizen Bock (garizko Bock-a), Lager, Pilsner eta garizko garagardoetan.

Ezaugarriak: Usain atsegina, suabe eta ertaina bitartean.



Ikusitako beste lupulu batzuk:
Tettnanger
Saaz
Perle

2011-11-09

BITXIKERIAK: 2 litro garagardo poltsan mesedez!

Gaur Txina aldera goaz, bertan garagardoa ontziratu gabe erosten duen jendea dago. Bai, irakurri duzuen bezala, ez botila, ez garagardo-lata... erabiltzen dutena 2,3,4.... litrotako poltsak dira! 

Poltsa hauetatik trebezia handiarekin botatzen omen dute garagardoa edalontzietara. Tenperatura eta aparra etxera iritsi arte bakarrik mantendu ahal dituzte.



Garagardoa Tsingtao garagardo enpresarena izan ohi da eta Qingdao hiriko biztaleen artean nahiko ohikoa da garagardoa horrela erostea.

2011-11-07

HEINEKEN ETA LOGO BERRIA

Holandako Heineken multinazionalak logo berri bat sortzea erabaki du eta VBAT diseinu enpresak iada aurkeztu du.

Hurrengo lerroetan logoaren diseinuaren nondik norakoen azalpen batzuk dituzue:

"Dinamismoa, sormena eta konfindantza bezalako kontzeptuak bildu nahi ziren, enpresaren ekintza desberdinak nahiz bere kolaboratzaileak mugitzen dituena. 

Lehenengo eta azkeneko letrek kurbatura txiki bat ageri dute, identitate bisual berriari pertsonalitatea ematen diotena. Heineken hitza letra larriz edo maiuskulaz idatzia dago, izar estilizatu gorri bat "H" letraren gainean duelarik, enpresaren espiritu eta energia adierazi nahian".


Zer iruditzen zaizue logo berria? Eta beraren azalpena?

2011-11-04

BERRIAK: Garagardo festa Irungo Uranzu pilotalekuan

Irungo Bidasoa Kirol Elkarteak garagardo festa edo feria antolatu du asteburu honetarako (azaroak 4, 5 eta 6). Zazpi garagardo desberdin edateko aukera izango da, honetaz gain, janaria ere egongo da.

Ordutegia: Ostirala      18:00 - 01:00
                    Larunbata  13:00 - 01:00
                    Igandea      12.00 - 20:00

Non: Jukal Kalea 1 (Uranzu kiroldeagia, IRUN)
             

    Eskainiko diren garagardoak:

       - Paulaner original                           - Maes
       - Paulaner weissbier (garizkoa)       - Guinness original
       - Affligem                                          - Buckler (alkoholik gabekoa)
       - Murphy's

            Prezioa: 4 euro (pitxarrak euro 1)


      Eskainiko den janaria:

      - Ukondoa ( 13 euro)
      - Saltxitxak (2 saltxitxa handi 7 euro)
       - Oilaskoa (12 euro)

 Asteburu honetan Bidasoak etxean jolasten duenez, gaur eta bihar sarrerak erosteko aukera izango da.

Mila esker Mila! Ondo pasa eta zorte on!

2011-11-03

GARAGARDOA EKOIZTEN: Muztio hozketa

Trub-aren banantzearen ondorengo pausua garagardo ekoizpen prozesuan muztioaren hozketa da. Une honetan muztioa 90 ºC inguruan egongo da, eta hurrengo pausua hartzidura egingo duen legamia gehitzea izango denez, beharrezkoa izango da tenperatura hau legamiak onartzen duen batetaraino jaistea.

 
Hozketa hau xaflazko bero trukatzaile baten bitartez egin ohi da. Honek elkarren ondoan eta egitura itxi bat osatzen duten xafla ugari ditu, non muztioa 90 ºC tan sartzen den eta ur hotzarekin baina zuzeneko kontaturik izan gabe (ur hotzak xaflaren pareta baten aldean dago eta muztioa beste aldean) hozten dena.


Xaflazko bero trukatzailea (Kolonia, Alemania)   


 Muztioa hartzidura ontzietara 10 ºC inguruan joango da oineko hartziduraz ekoizturiko garagardoen kasuan eta 18ºC inguruan azaleko hartziduraz ekoizturikoen kasuan.

2011-11-01

GARAGARDOA NOLA BOTA

Gaurkoa "Garagardo Ahotsa" blog-eko 100. post-a da! Hori aprobetxatuz, blog honetako lehenengo bideoa jartzea erabaki dut. Asmoa, noizbehinka gai desberdinei buruzko bideo laburrak egitea da, blogari beste kutxu bat emanez.

 

 Egun ona izan!

2011-10-31

EDALONTZIAK (VI): Snifter edalontzia

Snifter edalontzia koñac eta brandy edarietan erabili ohi den edalontzia da, baino garagardo mota batzuentzat ere oso aproposa izaten da.

Snifter edalontzia

 Bere egiturak garagardo oso usaintsuen aroma oso iheskorrak gordetzen laguntzen du, Belgikako Ale garagardoen eta Indian Pale Ale garagardoen kasuan bezala adibidez. Barleywine eta Wheat wine bezala ezagutzen diren garagardoak edateko ere oso aproposa da edalontzi mota hau.

Usainak bertan harrapatzeaz gain, egitura honek edaria erraz mugitzeko aukera ematen du, usain biziak sortuz.



Ikusi ditugun beste edalontzi batzuk:
Willybecher edalontzia
Nonick Imperial pint edalontzia
Tulipa edalontzia
Pilsner edalontzia 
Garizko garagardo edalontzia

2011-10-28

BITXIKERIAK: Itxuraren garrantzia

Erresuma Batuan garagardo kontsumitzaile nagusiak gizonezkoak dira. "Daily Telegraph"-en datuen arabera, 2005. urtean tabernetan emakumezkoen %36-ak ardoa edaten zuen, garagardoa edaten zutenak aldiz %14 bakarrik izanik. Datu hauetan oinarrituz, inkesta bat egin zen emakumezkoen artean. Inkesta honetan, zergaitik ez zuten garagardoa edaten galdetu zitzaien emakumeei.

Gehien errepikatu zen erantzuna hurrengoa izan zen: Garagardoa edateko eskaintzen ziren edalontziak (pintak) ez zirela batere "femeninoak" eta askotan "lotsatuta" sentitzen zirela hain edalontzi handietan garagardoa edaten zioen emakume askok.

Hau ikusita, Erresuma Batuetako taberna askotan edalontzi berri bat eskaintzen dute garagardoa edateko, "Beautiful glass" izenekoa. Aldaketa txiki honek, garagardo salmentak nabarmenki haunditu omen ditu emakumeen artean.

Beautiful Glass izeneko edalontzi berria

2011-10-27

JAZPANA FEST

Hementxe dugu iada 3. urtez Jazpana Fest jaialdia!! Urriaren 28an hasi eta hilaren 31rarte iraungo duen jaialdi oso erakargarria, musika kontzertuez gain, ekintza ugari antolatzen baitira (Skate, 3x3 saskibaloia, guitar hero, argazki rally-a, film laburren emanaldia eta jazpanaokea!).

Beasainen izango da jaialdi hau eta musika taldeei buruzko informazioa zein ordutegiei buruzko informazioa aurkitu nahi izan ezkero, beraien web orria kontsulta dezakezue (Jazpana-ren Web orria).


Beno, blog hau garagardoari buruzkoa denez, jaialdi honetan edango den garagardoari buruz hitz egingo dut:

Jaialdirako aukeratu duten garagardoa KELER garagardoa da.

  - 6 Kañero izango dira guztira, 4 barra handian eta 2 afaltzeko tokian.
  - Kaña eta katxiak edateko aukera izango da, 2 euro eta 7 eurotan.

KELER garagardoa hitz gutxitan:

1890. urtean sortu zuten Kutz anaiek (Alemaniarrak) marka hau Donostian. Garai hartan El León izeneko fabrikan ekoizten zen, oraingo keler-en etiketan ageri den fabrikan alegia. Ordutik, eta jabe desberdinen eskuetatik pasa ondoren, kataluniako GRUPO DAMM taldea egin zen garagardo honen jabe, beraien esku hartuz garagardoaren ekoizpena.


Keler garagardo botila
Jatorria: Damm enpresa (Katalunia)

Hartzidura mota: Oineko hartzidura

Malta: Garagar malta erabiltzen da.

Lupulua: Nahiko garratztasun leuna ematen dio lupuluak.

Kolorea: Urre kolorekoa.

Alkohol edukia: % 6,5 bolumenean.



Lager nahiko indartsua, garagar malta usainak nabarmentzen direlarik, baina ez gehiegi, eta zereal txigortuen usain pixka bat ere. Nahiko karbonatatua dagoen garagardoa da, bukaera lehorra uzten duelarik. 6 ºC inguruan edatea gomendatzen da.

2011-10-25

SAILKAPENA: GARAGARDO KETUA (Rauchbier)

Madrilen dagoen garagardo berezien denda batean joan den ostiralean opari bezala jaso nuen garagardo estilo bati buruz hitz egingo dizuet gaur. Garagardo honen berezitasuna eta izena bera malta lehortzeko erabiltzen den prozesuari zor zaio. 1516. alemaniar purutasun legea jarraituz ekoizten da.

Garagardo ekoizleak malta erabili aurretik, malta honek lehorketa bat jasan ohi du  maltategian. Hau aire bero bat pasaz egiten da, baina garagardo mota honen kasuan, malta lehortzen duena (24-36 ordu bitartean) pago egurraren erreketan sortzen den kea da.


Garagardo estilo honetan bi azpiestilo aurki ditzakegu, Märzen eta Urbock. Beraien ezaugarriak zertxobait desberdinak direnez, bi egun desberdinetan ikusiko ditugu, eta Märzen azpiestiloarekin hasiko gara gaur:

Schlenkerlaren Märzen garagardo ketua
Hartzidura mota: Oineko hartzidura

Jatorrizko dentsitatea: 13,5 ºP

Malta: Pago egurraren erreketan sortutako kearekin lehortutako garagar malta.  

Kolorea: 50 EBC

Alkohol edukia: % 5,4.

Lupulua: 30 IBU-ko garratztasuna ematen dio lupuluak.


Babaria iparraldean dagoen Bamberg hiriko garagardo tipiko bat da. Malta ketuaren usaina oso nabaria da, lupuluarena ezkutatuz.

2011-10-24

HISTORIA (XI): XI. Mendea

1087. urtean Belgika eta Frantziako garagargo ekoizleen zaindari edo patroia jaio zen, San Arnaldo Soissonsgoa.

San Arnaldo Soissonsgoa
 Ustetan, gizon hau izan zen bere herritarrei errekako uraren ordez garagardoa edatea gomendatu ziena, eta hau dela eta heriotz ugari ekidin ziren, garai hartan erreka kutsatuta baitzegoen (inguruetako herrietako pertsona ugari hil zen errekako ur kutsatua edatearen ondorioz).


Aurreko atalean:
X. mendea

2011-10-20

1516. URTEKO ALEMANIAR PURUTASUN LEGEA

Gaur egun, nahiz eta ez gehiengoa izan, 1516. urteko alemaniar purutasun legea errespetatuz ekoizten diren garagardoak aurki ditzakegu. Lege honen arabera, garagardoa ekoizteko lau lehengai besterik ezin dira erabili (blog honetako logoan agertzen diren lehengaiak hain zuzen ere):


Baina, zer dela eta ezarri zen lege hau? XVI. mendean Alemaniako gargardogile eta okinak liskarka ibili ziren biek lehengai berbera erabiltzen baitzuten beraien ekoizpen prozesuetan: Garia.

Garai hartan zegoen gari ekoizpena nahikoa ez zenez, Babariako Herzog Wilhelm IV. erregeak garagardo ekoizleei garia erabiltzea debekatu zien, garagar malta izanik almidoi iturri bezala erabili zezaketen lehengai bakarra. 


XIX. mende hasieran baimendu zen berriz Alemanian gari maltaren erabilera garagardoa ekoizteko.

Lege honen arabera ekoizten diren garagardo alemaniarrek honako esaldi hau daramate idatzita: "Gebraut nach dem deutschen Reinheitsgebot" (Alemaniar purutasun legearen arabera ekoiztua).

2011-10-19

GARAGARDOAREKIN SUKALDEAN: Dip frantses ogitartekoa garagardoarekin

Dip frantsesa haragi gisatuarekin egiten den ogitarteko berezi bat da. Haragia su bajuan eta denbora luzez egiten da eta ogitarteko hau "Dip" edo saltsa batekin jan ohi da. Errezeta honetan ez da garagardoaren presentziarik nabari baina flabore oso atsegin bat ematen dio.

Zailtasuna: Oso erraza (baino denbora behar da)

Osagaiak (4 pertsonentzako):
- 800 gr. txahalki solomo haragi
- 100 gr. haragi salda
- Lata erdi bat "Campbells" etxearen kondentsatutako tipula salda edo norberak eginiko tipula salda
- 150 ml garagardo
- 4 ogi opil (labean egiteko edo iada eginak)
- Dip edo bustitzeko saltsa bat



Prestaketa:
Haragi salda, tipula salda, garagardoa eta txahalki haragia egosketa geldoko eltze batean jarriko ditugu eta 7 orduz su oso bajuan utziko dugu. Behin denbora hau pasata, haragia ogi opilen artean jarri eta nahi izan ezkero, gazta ere gehituko zaio.



Aurreko errezetak:
Garagardo bizkotxoa
Ganba albardatuak
Oilaskoa garagardoarekin
Krepak
Legatz solomoa garagardoarekin
Txahalki albondigak Franziskaner...
Perretxikoak